ပြန်လည်မျှော်တွေး မှတ်မိသေးသည်
ကလေးဘ၀ ငယ်စဉ်ကပေါ့
သားလေး ကြီးလာ ဘာလုပ်မှာလဲ
ဒေါက်တာကြီးလား စစ်ဗိုလ်လားဟင်
အင်ဂျင်နီယာ ကျောင်းဆရာလား
ဒါမှမဟုတ် ဘုန်းကြီးလုပ်မလား
အမေ့သားတဲ့…?
သား…ကြီးရင်လေ
သင်္ကန်းကိုစီး စိတ်ပုတီနှင့်
ဘုန်ကြီးလုပ်မှာ ဖြေလိုက်ပါသော်
ပွေ့ ကာ ဖက်ယမ်း အမေ နမ်းကာ
လိမ္မာလိုက်တဲ့ အမေ့သား…တဲ့။
လောကီ ထုပ္ပတ် လူတို့ ဇတ်မှာ
ပညတ်သွားရာ ဓါတ်သတ်ပါခဲ့
မာတာမိခင် ရှင်ပြုစဉ်က
သွင်သွင် စီကျ မျက်ရည်စနဲ့ 
ငါ့သားကိုရင် ကြီးလာရင်လေ
အမေတဖန် ရဟန်းခံပြီး
ဗုဒ္ဓသာသနာ ဓွန့် ရှည်ကြာအောင်
ငါ့သား ဆောင်ရွက် လိုအပ်ချက်ကို
လှူဒါန်းနိုင်ရန် ရည်စိတ်သန်လျှက်
ကြိုးစားပျိုးနုတ် လယ်ယာလုပ်ရင်း
အမေ အားတင်းခဲ့တယ်နော်
မကောင်းမြစ်တာ ကောင်းရာညွှန်လတ်
အတတ်သင်စေ ဆိုရိုးတွေနှင့်
မွေးမေ မျှော်တွေး မြို့ပို့ ပေးကာ
ပညာသင်ကြားစေခဲ့တယ်
မူ၊ငယ်၊လတ်၊ ကြီး အောင်မြင်ပြီး ၍
ဗုဒ္ဓခေါ်ဆို ဤ တက္ကသိုလ်၌
မြတ်စွာ နုတ်ခပါဌ် ပဋိယတ်ကို
သင်ယူလေ့လာ ဤအခါဝယ်….
ငါ့အား ရည်မျှော် မွေးမယ်တော်သည်
လွန်ဆန်မရ မရဏကြောင့်
ခန္ဓာ ဇာတ်သိမ်း ချုပ်ငြိမ်းရပြီ…တကား
အော်….မာတာမိခင် ဖြစ်စေချင်သည့် တသွင် ကူးလမ်း သားရဟန်း၏
ဘ၀ရှေ့ပြေး ဤအရေးကို ကြည်ညို ဆပွား မြင်မသွားရှာ….
သားပြုသမျှ ကုသလကို ဤစာပြုစု အစုစု နှင့်
အမျှဝေကာ ပေးပို့ ပါသည် ရောက်ရာဘ၀ ဘုံဌာနမှ
သာဓုခေါ်ပါ မွေးမိခင်
ဦးမန်
No comments:
Post a Comment