အင်းယားကန်က တံတားဖြူလေး
အနီရောင်လှိုင်းကြက်ခွပ်တို့နဲ့ရုန်းကြွ
အဲဒီညနေဟာ .........
ငြီးတွားသံတွေ
ငိုရှိုက်သံတွေ
တောက်ခတ်သံတွေနဲ့ ... ... ...။
တစ်ချို့လွယ်အိတ်ကလေးတွေက လမ်းမပေါ်မှာ
လက်ကိုင်ပ၀ါအဖြူလေးပေါ်မှာ မျက်ရည်တွေစွန်းထင်းလို့
ဦးတည်ရာမဲ့အရပ်ဆီ ပြေးလွှား
အစိမ်းပုပ်ရောင်ဖိနပ်တွေ
လွတ်လပ်ခြင်းနဲ့ ယုံကြည်ခြင်းကိုဖျက်နင်း
ခုံပြာတန်းတို့ စကားဆိုခြင်းကင်းလေပြီ
သစ်ပုပ်ပင်အောက်မှာ
မျှော်သူစောင့်လျှက်
တွယ်ခိုစနှုတ်ခမ်းပါးမှာ
သူပြန်လာမှာပါ .............ဟုတ်တယ် သူတို့ပြန်လာကြမှာပါ
ဂျပ်ဆင်မှာ ဓမ္မတေးသံတို့ဆိတ်သုဉ်း
ဒီလိုနေ့ဆိုးတွေ ဘယ်တော့မှ ဆုံးမှာပါလိမ့် ... ... ...။
လွတ်လပ်ခြင်း ၊ တရားမျှတခြင်းဆိုတာ
စကားလုံးအဖြစ်သာ ရှိခဲ့တဲ့မြေအတွက်
ကျိန်စာသင့်တဲ့ သစ်ပင်စိုက်ချင်သူ
အမျိုးကောင်းသားတွေရဲ့ အိမ်ပြန်မရောက်နိုင်တော့တဲ့ညနေ
တိုင်းပြည်ရဲ့အမာခံကျောရိုး ခွေးဆိုးတွေဟာ
ဘီလူးဝင်စားထားသလို
သွေးသားကိုသာ တစာစာတောင့်တ
ခေါင်းစည်းလေးတွေ
မြေမှာခကြလေပြီ ... ... ...။
အို ... ... ...ကံ့ကော်မြေရေ
ဂုဏ်ပြုအပ်တဲ့ သင့်သားတွေကို
ကြိုဆိုတော့လေ ... ... ... ...။
No comments:
Post a Comment