မြေနိမ့်ရာလှံစိုက်ခံရတဲ့သူရဲ့မျက်ရည်အတွက်
လူ့အခွင့်အရေးတွေ ဟစ်ကြွေး
အမေ........ တောင်းပေးခဲ့တယ်။
စစ်ခွာသံ ဘယ်လိုပြင်းပေမယ့်
အောင်ဆန်းသမီး ပီသ
အမေ........ ခေါင်းဆောင်သွေးပြခဲ့တယ်။
ခမောက်ဆောင်းပြီး ခေတ်ပြောင်းချင်တဲ့
NLD အဖွဲ့ရဲ့ခေါင်းဆောင်အမေ
ခေတ်တစ်ခေတ်ကို အသွင်ပြောင်းချင်တဲ့
ပင်နီရောင်ခွပ်ဒေါင်းပျိုမ အမေ
ဒီမိုကရေစီ ခရောင်းလမ်းထက်က
အတင်းပိတ်ခံရတဲ့ မျက်ဝန်းအစုံတွေအတွက်
အမေဟာ အမြင်အာရုံပါ။
အမှောင်ချထားခံရတဲ့ သတင်းမြို့ပျက်အတွက်
အမေဟာ အကြားအာရုံပါ။
ကမ္ဘာမြေပန်းခင်းမှာ...... အမေ
ငြိမ်းချမ်းရေး ပန်းတစ်ခြင်းပျိုးခဲ့ပါပြီ။
ကိုဖုန်းမော်ရယ်
ကိုစိုးနိုင်ရယ်
အင်းစိန်ဝိုင်အိုင်တီက သွေးလူးနေတဲ့ ၀ိညာဉ်တွေရယ်
ကိုမင်းကိုနိုင်
နေ၀င်သွားတာတောင်မှ အိမ်ပြန်မရောက်နိုင်တဲ့
အမေ့ရဲ့သားတွေရယ်
အမေနဲ့အတူ ရေးတဲ့သမိုင်းအောက်မှာ
ကမ္ဘာမကျေတေးကိုဟစ်ကြွေး
ရာဇ၀င်သစ်ကို သွေးနဲ့ပြန်ရေးမယ် .........။
No comments:
Post a Comment