နေရထိုင်ရတာ
ကျပ်သိပ်မွန်းကြပ်လွန်းလို့
စိတ်သက်သာရာ ရှာကြည့်တော့
စစ်ဖိနပ်အောက်က မြက်ပင်တွေက
" ကျွန်တော်တို့ မဲပေးချင်တယ် " တဲ့။
လေထုတောင် အချုပ်အနှောင်ခံထားရ
"လွတ်လပ်မှု" ဆိုတာ စာလုံးပေါင်းပြရတဲ့ ဒီနေရာမှာ
"မမျှတမှု" ကိုလည်း စာမဖွဲ့လိုတော့။
မျိုးဆက်အသေတွေ ၊ ဦးနှောက်အပျက်တွေ။
နာကျင်မှုတွေ ၊ လူမဆန်မှုတွေ။
"ကျောက်တောင်ဆိုလည်း ရအောင်ဖြိုမယ်"။
ကြောက်တတ်တဲ့ကောင်တွေကို ပြောလိုက်စမ်းပါ။
" ငါးရံ့မင်း ပရိတ်လည်း ပြောင်းပြန်ရွတ် မနေနဲ့တော့"။
"ယတြာလည်း မချေနဲ့တော"့ ...........။
"မိုးကတော့ ရွာကိုရွာတော့မှာ"...........။
No comments:
Post a Comment