မိုးမသောက်တဲ့နှစ်များ

မနိုးတစ်ဝက် နိုးတစ်ဝက်နဲ့
အိပ်မက်မက်နေတဲ့ကာလ
လျှောက်ချင်လှပေမယ့်
ဘယ်လမ်းကလျှောက်ရမှန်းမသိ။
မသိတစ်ဝက် သိတစ်ဝက်နဲ့
နေ့ရက်တွေပါး ၊
ဗိုက်ခေါက်သား ဂုတ်သားတွေတက်
အသက်အရွယ်သာ ကြီးလာရော
ဘယ်ခရီးမှ မပေါက်ရတဲ့ကာလ
ကာလဆိုတဲ့ ယူဇနာ
ဘူတာစဉ် ရထားဖြတ်သလို
အမှတ်မဲ့ ဖြတ်နေခဲ့ပြီ။
ကမ်းခြေ တလျှောက်
ပန်းအကြွေကောက်ရင်း
စမ်းရေသောက်ရတာလည်း မရှိမဟုတ်။
ဒါပေမယ့် မရှိတစ်ဘ၀
ရှိခဏမျှသာ
ကျေးတောကငါ
ငေးမောပြီး မြို့တက်လာ။
တို့ရက်တွေဟာ ရာဇာမဟုတ်တော့
ဇာတာအစုတ်နဲ့ ၀ါစာကမာလုပ်ပြီး
ဇရာတောအုပ်ထဲဝင်ရပြီ။
မဖြောင့်မတန်း
အမှောင်လမ်းတွေကလည်း
ငြှောင့်တန်းလန်း
ဆူးတန်းလန်းတွေနဲ့
ဖြတ်သန်းသူတွေ
ဒုက္ခတွေ ပင်လယ်ဝေစေခဲ့ပြီ။
ဘ၀အိပ်မက်
လျှပ်တပြက်
နတ်သက်မဟုတ်ပါဘူးကွယ်။
ငယ်ငယ်တုန်းက လီနင်နဲ့တွေ့ခဲ့တယ်
ကြီးလာတော့ လင်ကွန်းနဲ့တွေ့ချင်တယ်
ချောက်ကမ်းပါးမှာ ကြောက်အားပိုစရာ
အမှောင်ရိပ်ကြီးဟာ
ဒယီးဒယိုင် ထိုးကျနေတယ်။
မင်းလည်း အမှောင်ထဲမှာ
ငါလည်း အမှောင်ထဲမှာ
ယောင်ဆွဲသူဆွဲ
ချော်လဲသူလဲ
ပက်လက်လန်သူလန်
ရက်စက်ထန်သူထန်
အမှန်တွေ အမှားဖြစ်လိုဖြစ်
အချိုတွေ အခါးဖြစ်လိုဖြစ်နဲ့
စနစ်မညီမမျှ ခေတ်ဂီတတွေ
တီးမှုတ်နေရတယ်။
ဘ၀သံစဉ်မညီ အလှမာန်သွင်မပီတော့လို့
ဟာမိုနီတွေ ပျက်ကုန်ရပြီလေ။
တို့ဘ၀တွေဟာ
လိမ်ညာထားတဲ့ အစီရင်ခံစာတွေဖြစ်တယ်
“မှန်ပါ့ဘုရား” အသံသွင်းထားတဲ့
မုသာဝါဒ သတင်းကြိုးခွေဖြစ်တယ်။
ခေါက်ရိုးကျိုး တွန့်ကျေနုံ့နေတဲ့
အပေါ်ယံ ပင်နီတိုက်ပုံဖြစ်တယ်။
ထားရာနေ စေရာသွားတဲ့
လူကြီးမင်းများရဲ့ ဓာတ်ဘူးဖြစ်တယ်။
ကြည်နူးစရာ အသက်မရှိတဲ့
ပကတိ ရိုဘော့စက်ရုပ်
ခေါင်းညိတ်စက်ရုပ်မျှသာဖြစ်တယ်။
ဒီထက် ဘာကမှမပိုခဲ့ပါ
တို့ဟာ ကဗျာမဟုတ်
တို့ဟာ လူမဟုတ်
တကယ့် စက္ကူစုတ်။
တို့ဟာ ပညာကိုမကိုးကွယ်
အာဏာကို ကိုးကွယ်တယ်
အတတ်ကို မကိုးကွယ် သေနတ်ကို ကိုးကွယ်တယ်။
အဂတိတရား လေးပါး
ဖယ်ရှားရမယ့်အချက်ကို
ငါတို့ပွေ့ဖက်တယ်
အရှက်ကို အရေခွာပြီး
တစ်နေရာမှာ ချိတ်ထားလိုက်တယ်။
ဒီလိုနဲ့ ပိတောက်တွေလည်း
အသက်မပါပဲ
အခါခါ ပွင့်ခဲ့ပြီ။
လမင်းလည်း ခပ်ပျင်းပျင်းနဲ့
မလင်းချင် လင်းချင်
လင်းခဲ့တာ
ညများစွာ ရှိခဲ့ပါပြီ။
တို့အသက်များကို
မုသာဝါဒနဲ့ လဲစားနေခဲ့တာ
ဇရာထွင်းဖောက်
မရဏတွင်းတောင် ပေါက်ခဲ့ပြီမို့
မိုးမသောက်တဲ့ နှစ်များလို့
ကဗ္မည်းထိုးရမလားမသိ။
ချောင်းရေယာဉ်ကြောမှာ
လောင်းလှေလေး မျောသလိုပါပဲ
ဟောတစ်စင်း ဟောတစ်စင်းနဲ့
မျောခြင်းကြီး မျောခဲ့ပြီ
အုန်းညိုရိပ် လွမ်းစရာ
ကျွန်းသာယာကိုလည်းမတွေ့
ချမ်းမြဖြေစရာ
ပန်းအလှ ဗေဒါကို
မြင်ရုံသာမြင်လိုက်ရ
ခင်မင်တဲ့ အဆင့်လည်းမရောက်ခဲ့။
လှေမှောက်မလား
ရေကြောက်သလား
သေမလောက် စိတ်ဒဏ်ရာ
အနာတွေနဲ့ ချည်းပါပဲ
သက်ပြင်း ဟင်းခနဲချ
တမ်းတမိတဲ့ အတိတ်ဟာ
အရိပ်လိုခွာသွားခဲ့ပြီ
အတိတ်ရေးရေးဟာ
တစ်ဆိတ်ဝေး…………..ဝေးခဲ့ပြီလေ။
အနာဂတ် လူ့ဘောင်ဟာ
အခုလိုပဲ မှောင်နေဦးမလား
ယောင်တောင်တောင် ဖြစ်ရတဲ့
အမှောင်ခေတ်သက်တမ်း
မျက်ကန်း ဆင်စမ်းသလို
ထင်မှန်းကြည့်နေကြတယ်
ပန်းပုသစ်တွေနဲ့
ထုဆစ်ဖန်တီးကြည့်ကြတယ်
အလှဆုံးလက်ရာ
အလှဆုံးတေး
အမွှေးဆုံးပန်းတွေနဲ့
စိတ်ကူးလမ်းဖွင့်ကြတယ်။
အိပ်မက်နဲ့ ဖြစ်ရပ်
သဟဇာတဖြစ်ကောင်းပါရဲ့။
ညတခြား နေ့တခြား
တကယ်လို့ ကွဲပြားခဲ့ရင်
အမှားကြီးမှုဟာ ခါးသီးမှုဖြစ်နိုင်တယ်။
ဒါပေမယ့်
အိပ်မက်မပါတဲ့ ညဆိုတာ
ဘယ်မှာ ရှိနိုင်ပါ့မလဲကွယ်။
ဗုဒ္ဓရှင်တော်ရဲ့နောက်ဆုံးစကား
မင်းလည်းကြားမိမှာပါပဲ
“အပ္ပမာဒေန သမ္ပာာဒေထ”
မမေ့မလျော့ မပေါ့သောသတိနှင့်
ပြည့်စုံကြကုန်လော့တဲ့။
အရာရာကို သတိသမ္ပဇဉ်
ဥာဏ်နှင့်ယှဉ်ပြီးရှု
အနုလုံ ပဋိလုံသုံးသပ်
သတိပြတ်လို့ မဖြစ်ပေဘူး
သတိမလစ်မှ အရှိအဖြစ်ကို
မြင်နိုင်ပေမယ်။
ပန်းတွေက ဝေပါလျှက်
လမ်းတွေက မစွေစေနဲ့
မှုန်ပြေပြေ ဆည်းဆာညမှာ
အကျည်းတန် ကန့်လန့်ကာချပါလို့
မိုးသောက်ထ ရောင်နီအလာ
အောင်စည်သံသာ ကြိုရအောင်
နုပျိုတဲ့ ခွန်အားတွေနဲ့
“တရားသစ်တွေးလော့”့
“အမှားအညစ် ဆေးလော့”
“ဓားအသစ် သွေးလော့” ။
တင်မိုး